Parlamenti Europian ka miratuar një rezolutë me 330 vota pro, 254 kundër dhe 26 abstenime, që thekson shqetësimet lidhur me betejën e Greqisë kundër korrupsionit dhe mbrojtjen e të drejtave të njeriut. Rezoluta përfshinë çështje si përgjimet, survejimet, hetimet për aksidentin e trenave në Tembi, mbytjen fatale të anijes në Pylos me qindra klandestinë, dëbimet e paligjshme të emigrantëve, lirinë e shtypit, dhe “sulmet kundër shoqërisë civile”.
Greqia ka reaguar duke e quajtur këtë një lojë politike për të zvogëluar prestigjin e saj, ndërsa Parlamenti Europian ka shprehur shqetësime për përqendrimin e pushtetit të medias në duart e oligarkëve, shpërndarjen e subvencioneve shtetërore dhe vlerat e Bashkimit Evropian që po kërcënohen nga Greqia.
