Për herë të parë që nga nisja e konfliktit në Ukrainë, presidenti i Rusisë e ka pranuar që ajo është një luftë dhe jo një “ndërhyrje speciale”, siç ai e ka quajtur deri tani.

“Qëllimi ynë nuk është të kthejmë konfliktin ushtarak, por, përkundrazi, t’i japim fund kësaj lufte ”, u tha Putin gazetarëve në Moskë pas pjesëmarrjes në një takim të Këshillit Shtetëror për Politikat Rinore.

“Për këtë ne u përpoqëm dhe do të vazhdojmë të përpiqemi”, theksoi ai.

Ndërkohë kritikët e Vladimir Putin thonë se përdorimi i fjalës “luftë” për të përshkruar konfliktin në Ukrainë ka qenë efektivisht i paligjshëm në Rusi që nga marsi, kur udhëheqësi rus nënshkroi një ligj censurimi që e bën përhapjen e informacionit “të rremë” për pushtimin një krim të dënueshëm.

Një zyrtar amerikan i tha CNN se vlerësimi i tyre fillestar ishte se Putini nuk e tha atë me qëllim dhe se ka të ngjarë të ishte një lapsus. Megjithatë, zyrtarët do të monitorojnë nga afër se çfarë do të thuhet brenda Kremlinit për këtë çështje në ditët në vijim.