Skënderbeu nuk qëndroi pasiv, ekipi i Memellit bënë lojën e tyre, por pa mundur të ishin konkret në pasin final. Në momentin më përcaktues të sfidës, në minutën e 39-të, Vllaznia gjeti golin e avantazhit me Da Silvën.
Vllaznia ishte më kërkuese në pjesën e parë teksa e detyroi skuadrën e Skënderbeut që të qëndronte më shumë në mbrojtje teksa krijoi edhe disa momente të mira për të shënuar.
Megjithatë goli për skuadrën shkodrane erdhi në minutën e 39 me Da Silvan me futbollistët e Vllaznisë që festuan këtë gol avantazhi me tifozët që kishin ardhur për të ndjekur skuadrën e tyre nga shkallët e Air Albania Stadium. Me avantazhin 1-0 u mbyllën edhe 45 minutat e para të kësaj finaleje
Në pjesën e sytë si Skënderbeu ashtu edhe Vllaznia kërkuan të shënonin, por nuk I shfrytëzuan shanset që krijuan. Me kalimin e minutave, të dyja skuadrat filluan të ndjenin lodhjen dhe kjo u duk në veprimet e futbollistëve që në disa raste nuk kishin qartësinë e duhur. 11 minuta nga fundi Da Silva pati një tjetër mundësi shënimi.
Në momentin më të mirë të tyre, Skënderbeu mbeti me dhjetë lojtarë, në minutën e 86-të pas daljes me karton të kuq të Zguros. Ardit Hoxhaj në shtesë shpërdoroi një mundësi të artë për të hipotekuar finalen, por në fund festa ishte e gjitha për kuqeblutë.
