Në Gjykatën e Elbasanit po zhvillohet sot një seancë për masën e sigurisë për dy personat që janë arrestuar si të dyshuar për përdhunimin e një 31-vjeçari me probleme të shëndetit mendor.

Dy të arrestuarit, 44-vjeçari B. J. dhe 59-vjeçari R. B., u ndaluan më 16 prill pasi u kallëzua nga nëna e të riut.

Në pyetjet që u bënë, ata pranuan pjesërisht ngjarjen. Njëri prej tyre pranoi se e kanë zhveshur djaloshin ndërsa ai i fundit ishte duke dërguar kafenë në vendin e tyre pune pranë një objekti privat.

Policia dhe specialistët psikologë po punojnë për të intervistuar më tej viktimën, një 31-vjeçar që vuante nga epilepsia dhe probleme të shëndetit mendor.

Ngjarja dyshohet të ketë ndodhur më 4 prill në një fshat të Elbasanit.