Komisioni Qendror i Zgjedhjeve (KQZ) ka përfunduar numërimin e votave në 17 nga 18 komunat ku të dielën u mbajt balotazhi. Numërimi ende nuk ka përfunduar në Mitrovicë.
Sipas rezultateve preliminare, komunat shqiptare janë ndarë mes partive kryesore:
• Lëvizja Vetëvendosje (VV) dhe Lidhja Demokratike e Kosovës (LDK) kanë fituar nga 7 komuna secila;
• Partia Demokratike e Kosovës (PDK) ka siguruar 6 komuna;
• Aleanca për Ardhmërinë e Kosovës (AAK) ka fituar 5 komuna;
• Nisma për Kosovën, Partia Demokratike Turke e Kosovës (KDTP) dhe Iniciativa e Ramiz Lladrovcit secila ka fituar nga një komunë;
• Lista Serbe vazhdon të jetë partia me më së shumti komuna të fituara, gjithsej 10.
Fituesit sipas partive në balotazh
• VV: Fitore në Mitrovicë, Gjilan, Fushë-Kosovë dhe Obiliq, duke i shtuar këto komunave që qeverisnin më parë: Podujevë, Shtime dhe Kamenicë.
• LDK: Pas dy fitoreve në rundin e parë (Istog dhe Lipjan), dje fitoi pesë komuna të tjera: Prishtinë, Pejë, Junik, Viti dhe Dragash.
• PDK: Pas fitoreve të para në Ferizaj, Skenderaj dhe Han i Elezit, dje fitoi Vushtrri, Prizren dhe Kaçanik.
• AAK: Fitore të reja në Gjakovë, Klinë, Rahovec dhe Suharekë, duke ruajtur komunën e Deçanit nga raundi i parë.
Fituesit e një komunë
• Nisma Socialdemokrate: Malishevë;
• Iniciativa e Ramiz Lladrovcit: Drenas;
• KDTP: Mamushë, komuna që e ka drejtuar edhe më parë.
Këto rezultate përcaktojnë konfigurimin e ri politik lokal në Kosovë, duke dhënë një pasqyrë të qartë të ndarjes së pushtetit mes partive shqiptare dhe komunitetit serb në nivel lokal.
