‘Sot është mbledhur Komiteti i Ekspertëve të Shëndetësisë për të shqyrtuar të dhënat më të fundit epidemiologjike të vendit. Pas kësaj mbledhjeje është vendosur edhe zgjatja e masave në fuqi për një javë’, njoftuan ekspertët.
Aktualisht në Greqi janë në fuqi këto masa:
-Restorantet do të jenë të hapura deri në orën 12:00 pa muzikë, 6 persona për tavolinë dhe me distancë nga ndenjëset e tavolinës.
-Është i detyrueshëm përdorimi i maskës së mbrojtjes së lartë (FFP2/KN95) ose e dyfishtë në supermarkete, në transportin publik dhe ku ka mbingarkesë, si dhe nga punonjësit e restoranteve.
-Vizitë vetëm me një test PCR 48-orësh në shtëpi të të moshuarve dhe spitale.
-Në stadium numri i personave të të vaksinuar duhet të jetë deri në 10% të kapacitetit të tyre.
Greqia prej javësh ka regjistruar shifra të larta të rasteve me koronavirus nxitur edhe nga përhapja e varianteve të reja, ku më dominues duket të jetë mutacioni Omicron.
Ndërsa për shkollat, zëvendësministrja e Arsimit, Zetta Makri, siguroi se nëse do të jetë e nevojshme dhe nëse do të ketë sugjerim përkatës nga Komisioni i Ekspertëve, protokollet do të ndryshojnë.
