Anëtari i Komisionit të Rithemelimit në PD, Flamur Noka, gjatë një prononcimi për mediat nga ambientet e jashtme të selisë së Kuvendit, u shpreh kundër njohjes nga parlamenti të vendimit të Partisë Demokratike për përjshtimin nga grupi parlamentar të deputetëve mbështetës të ish-kryeministrit Berisha.

“Çdo institucion është informuar dhe po informohet që Partinë Demokrtike me mandat të Kuvendit e përfaqëson vetëm Komisioni i Përkohshëm i Rithemelimit.

Kushdo që mbështet dhe njeh shoqatën e bravave dhe shulave tregon që është histori pengamarrjeje është marrëdhënie mes pengut dhe pengmarrësve.

Ne po flasim për një demokraci, ne nuk po flasim për një dikataturë. Në demokraci vullneti i shumicës prevalon. Pengu mund të jap vulën me qera dhe ai që e ka marrë me qera mund ta përdorë, por demokratët nuk e njohin atë vulë, por vendimin e Kuvendit të 11 dhjetorit”, tha Noka.

Kujtojmë se mbështetësit e ish-kryeministrit Berisha braktisën sallën e parlamentit pas debateve me kryetaren e kuvendit Libndita Nikolla, e cila përcolli vendimin e Partisë Demokratike për përjashtimin e tyre nga grupi parlamentar.