Policia ka konfirmuar një incident të dhunshëm në Stadiumin “Ekrem Grajçevci” në Fushë Kosovë, ku tifozët janë përleshur me mjete të forta. Zëdhënësja e policisë për rajonin e Prishtinës, Flora Ahmeti, deklaroi për Klankosova.tv se dy tifozë janë lënduar gjatë përleshjes, ndërsa pesë persona janë arrestuar.

“Rreth orës 15:00, gjatë një ndeshje futbolli, ka ndodhur një incident ku tifozët janë përleshur mes vete, duke shkaktuar lëndime për dy prej tyre,” tha Ahmeti. Ajo sqaroi se situata është vënë nën kontroll, dhe policia, në koordinim me prokurorin e shtetit, ka nisur një hetim për incidentin.