Një ngjarje e rëndë ka ndodhur në Kavajë, ku një 33-vjeçar ka përplasur me derën e makinës një 40-vjeçar, pas një sherri për motive të dobëta. Sipas policisë, ngjarja ndodhi mbrëmjen e djeshme në fshatin Lekaj, ku shtetasi E. T., 33 vjeç, ka pasur një konflikt me shtetasin B. Xh., 40 vjeç. Pas sherrit, ai ka goditur qëllimisht 40-vjeçarin me derën e automjetit, duke i shkaktuar dëmtime të rënda.

Policia e Kavajës ka arrestuar në flagrancë shtetasin E. T., i cili aktualisht po mbahet në qeli për veprën penale të “Dëmtimit të rëndë të trupit”. Ndërkohë, shtetasi B. Xh. është dërguar në spital, ku ndodhet nën kujdesin e mjekëve.