Një tentativë grabitje me armë zjarri në fshatin Prush ka shkaktuar një përplasje të dhunshme mes autorëve të dyshuar dhe policisë. Tre persona të armatosur janë ndjekur nga policia dhe forcat e RENEA pasi kanë tentuar grabitjen me armë kallashnikov. Autoritetet e Tiranës kanë mobilizuar forcat speciale dhe kanë ngritur pika kontrolli për të kapur autorët e dyshuar. Për momentin, shërbimet e policisë janë në kërkim të personave të përfshirë në ngjarje.
“Më datë 09.12.2023, rreth orës 19:13, në fshatin Prush, përballë ambulancës, në banesën e shtetasit G. H., janë futur disa persona, të armatosur.
Me marrjen e njoftimit shërbimet e Policisë kanë shkuar menjëherë në vendngjarje, dhe në momentin që janë afruar afër banesës, tre personat e armatosur, kanë qëlluar me armë ndaj tyre.
Policia është përgjigjur me armë ndaj tyre. Shërbimet e DVP Tiranë, RENEA, Forcat Kombëtare të Sigurisë, po vijojnë krehjen e zonës dhe kanë ngritur pika kontrolli në të gjitha akset kryesore dhe hyrje-daljet e Tiranës, për identifikimin dhe kapjen e autorëve të dyshuar
