Vetëm pesë ditë pas startimit, “Ferma VIP” është tronditur nga përplasje të forta mes konkurrentëve, ku protagonistë u bënë Limi dhe Ylli, pas një deklarate të papritur nga ana e Limit.

Gjatë një bisede në fermë, Limi aludoi se Ylli është homoseksual, gjë që Ylli e mohoi publikisht, duke theksuar se deklarata ishte jo vetëm e pavërtetë, por edhe fyese. Ai madje akuzoi Limin për kërcënim.

Ylli: “Limi është shumë djalë i mirë, por ai nuk mundet ta përcaktojë seksualitetin. Është mendimi i tij. Unë e pranoj publikisht që nuk jam gej. Ai më kërcënoi. Më tha: ‘Kur të dalim jashtë, do e shohësh’. Nuk thashë që është djalë i keq. Ky është mendimi im.”

Nga ana tjetër, Limi u shpreh se komentet e tij ishin të nxitura nga sjellja e Yllit, duke e quajtur “fallco” dhe të interesuar për vëmendje.

Limi: “Ylli mu duk djalë i mirë, interesant. Më pëlqeu si djalë, por ne u ndamë për disa gjëra. Po flisnim për familjen dhe mu duk fallco. Punët e shtëpisë i bën vetëm për të rënë në sy. Deklaratën e dhashë nga mënyra si rri, si flet, zihet vetëm me gocat. Nuk bëjnë burrat ashtu.”

Në debat u përfshi edhe Zhaku, e cila reagoi ashpër ndaj qasjes së Limit:

Zhaku: “Nuk ka çfarë i duhet Limit. Pse të ndikon seksualiteti i një personi? Çfarë të duhet ty nëse është gej?”
Limi: “Është e rëndësishme, dua të di kë kam afër.”
Zhaku: “Ke frikë se të kap me zor natën?”

Debati ngjalli diskutime të forta për etikën, stereotipet dhe të drejtën e individit për privatësi brenda një formati televiziv që duket se sapo ka nisur të nxehë motorët. Spektakli premton zhvillime të tjera të forta në ditët në vijim.