Gjykata e Kurbinit ka dhënë detyrim paraqitje për punonjësin e Policisë, D. M, lidhur me përplasjen e armatosur në Mamurras.

Shkak për ngjarjen e ndodhur në qendër të Mamurrasit ku u plagosën efektivët e policisë, Flamur Lleja dhe Ilir Zekaj, është bërë thirrja e policëve ndaj dy të rinjve që po udhëtonin me makinë që të ndalonin për kontroll.

Seancat po zhvillohen të ndara, nga njëra anë e policit që qëlloi dhe plagosi aksidentalisht dy kolegët e tij dhe qytetarin, dhe për 3 personat e grupit tjetër.

Gjon Fufi, Nikoll Fufi dhe Rudolf Fufi akuzohen për goditje për shkak të detyrës dhe kanosje për shkak të detyrës në bashkëpunim. Edhe ata do të njihen me masën e sigurisë nga Gjykata. Këta persona janë të afërm të një ish-deputeti të parlamentit shqiptar.