Ministri i Brendshëm i Kosovës Xhelal Sveçla në fjalën e tij në Kuvendin e Shqipëri pati ‘fokus’ marrëveshjet mes dy shteteve tona.
Sveçla
theksoi se pavarësisht se rrugëtimi ynë ka qenë i vështirë dhe me shumë pengesa, sot është momenti që hapat tonë të jenë një dhe të shpejtë.
Xhelal Sveçla: Të gjithë sëbashku në shënjimin e ditës më të rëndësishme, 28 nëntorit. Përvoja jonë si shqiptarë nuk ka qenë e qetë, na është dashur të punojmë me regjime që jo patjetër kanë qenë në interesa të kombit. Ndërprerjet nga copëtimi, nga lufta e parë, e dytë, muri mes kombeve ne i provuam më shumë se kushdo. Vepruam si popull edhe pse në troje të ndara. Sot nga ai projekt i shpallur në 28 nëntor 1912 ne kemi realizuar një shtetim të madh. Le të shprehemi publikisht për kahjen e marrëveshjeve të tashme dhe atyre në të ardhmen, masa të përbashkëta sigurie, pajisje me leje qëndrimi të përkohshme, ndihmë në raste të emergjencave civile etj. Është koha që hapat tonë të jenë një, sa më shpejt në realizimin e marrëveshjeve. Jemi dy pjesë të të njëjtit projekt rilindas. Ne shqiptarët jemi popull që nuk sulmuam e as nuk pushtuam kurrë tinëzisht e pabesisht, nuk e nënshtruam të dobëtin dhe nuk përfituam prej atyre që janë më pak. Shpresoj se në këtë formë ne e ndjejmë bashkarisht aktualitetin kompleks, pikërisht në ditën e themelimit të shtetit shqiptar.
