Deputeti i Partisë së Lirisë Petrit Vasili ka publikuar sërish kërkesën për informacion për kullat në Tiranë, por këtë herë drejtuar kryeministrit Edi Rama si Kryetar i Këshillit Kombëtar të Territorit. Vasili pyet a e kanë paguar taksën e infrastrukturës këto kulla dhe mandatpagesat, që e provojnë këtë.

Ai thekson se qytetarët janë zotër të Tiranës dhe ata do të kërkojnë llogari deri në një për çdo metër katror të qytetit të tyre.

Postimi i Vasilit:

“I jam drejtuar me kërkesë zyrtare Edi Ramës si Kryetar i Këshillit Kombëtar të Territorit.
I kam kërkuar Edi Ramës informacion për kullat, që kanë përmbytur Tiranën.
I kam kërkuar saktësisht:
📌 a e kanë paguar taksën e infrastrukturës këto kulla dhe mandatpagesat, që e provojnë këtë.
📌 cili është dokumentacioni se si janë miratuar këto leje
📌 për sa kate janë dhënë lejet e këtyre objekteve
📌 sa është respektuar leja e dhënë
📌 cilat janë shtesat pa leje.
Qytetarët janë zotër të Tiranës dhe ata do të kërkojnë llogari deri në një për çdo metër katror të qytetit të tyre”, shkruan Vasili.