Në një deklaratë të shpallur në Kuvend, deputeti i Partisë së Lirisë, Petrit Vasili, ka vlerësuar se pa zgjidhur pabarazitë në votë nuk mund të ketë reformë zgjedhore të besueshme. Ai kritikoi fuqishëm qeverinë për mungesën e pavarësisë së Komisionit Qendror të Zgjedhjeve (KQZ), duke e akuzuar atë për abuzime dhe shfrytëzim të fondeve publike në zgjedhje. Vasili gjithashtu shprehu keqardhje për trajtimin e cështjes së votës së diasporës, duke e cilësuar si një shkelje të detyrës minimale për të garantuar të drejtën e barabartë të votës për të gjithë qytetarët shqiptarë.

“Zbatimi i marrëveshjes së 5 qershorit që u dhunua nga Edi Rama si drejtuesi i mafies në pushtet është detyrimi më minimal për të garantuar një votë të barabartë për ccdo shqiptar”, vijoi deputeti.

Vasili tha se rilindasit që lëshojnë lot krokodili për votën e diasporës e kanë aq seriozisht këtë ccështjes, aq sa Ministria e Diasporës, pa u marrë vesh që u hap menjëherë u mbyll megjithëse më shumë se gjysma e shqiptarëve jetojnë jashtë vendit.

“KQZ është shndërruar në njeë celule patronazhimi rilindas, që nuk mbron lirinë votës, por qeverinë që shpërdoron fonde me qindra milion euro dhe gjithë makinerinë shtetërore në mënyre të paligjshme në zgjedhje për të vjedhur zgjedhjet”, tha Vasili.