Mbrëmjen e sotme në Krujë, tregtari i makinave, Artan Goga, është plagosur pas një ngjarjeje me armë zjarri. Goga, 57-vjeç, është qëlluar në kokë, por lajmet e fundit njoftojnë se është jashtë rrezikut për jetën. Autori i dyshuar i kësaj ngjarjeje është identifikuar si shtetasi me iniciale V.M., dhe policia po vazhdon hetimet për të kapur autorin. Ngjarja ka ndodhur në rrugën “Asim Zeneli”. Grupi hetimor është në punë për të sqaruar plotësisht rrethanat e kësaj ngjarjeje tragjike.
Njoftimi i policisë:
Krujë/Informacion paraprak
Më datë 28.02.2024, në rrugën “Asim Zeneli”, shtetasi V. M., dyshohet se ka plagosur me armë zjarri pistoletë shtetasin A. G., 57 vjeç, i cili ndodhet në spital, jashtë rrezikut për jetën.
Vijon puna për kapjen e autorit të dyshuar të ngjarjes.
Grupi hetimor po punon për sqarimin e rrethanave të ngjarjes
