Një incident i rëndë ka ndodhur në një lokal në lagjen 15 të qytetit të Korçës, ku një oficer i sektorit të krimit ekonomik në policinë e Korçës ka mbetur i plagosur.Ende nuk është e qartë nëse ngjarja ka lidhje me detyrën e oficerit të policisë, por dyshohet se mund të jetë një konflikt i çastit mes një personi dhe oficerit.

Gjatë konfliktit fillimisht verbal, autori e ka goditur oficerin me një gotë në fytyrë, duke i shkaktuar dëmtime të lehta. Personi që ka sulmuar oficerin është shoqëruar në komisariatin e Korçës për t’u marrë në pyetje dhe për të sqaruar motivet e ngjarjes. Policia po heton për zbardhjen e plotë të rrethanave të incidentit dhe për të përcaktuar nëse ka ndonjë lidhje me detyrën e oficerit.