Një ditë pas plagosjes së dy efektivëve të policisë dhe të një qytetari në Mamurras, policia ka arrestuar 4 persona të dyshuar për ngjarjen.

Në pranga është vënë David Madani, polic patrulle, i cili plagosi dy kolegët e tij nga pakujdesia për vetëmbrojtje.

Po ashtu janë arrestuar edhe tre persona të tjerë, Gjon Fufi, Nikoll Fufi (Vorfi) dhe Rudolf Fufi, të cilët mësohet se janë të afërm të ish-deputetit Mhill Fufi.

Shkak për ngjarjen e ndodhur një ditë më parë në qendër të Mamurrasit ku u plagosën  efektivët e policisë, Flamur Lleja dhe Ilir Zekaj, është bërë thirrja e policëve ndaj dy të rinjve që po udhëtonin me makinë që të ndalonin për kontroll.