Rreth orës 20:27, në lagjen “15 Tetori” të qytetit të Vlorës, dyshohet se për motive të dobëta, shtetasi A. R., 51 vjeç, një person me precedentë penalë, ka plagosur me një mjet prerës (thikë) shtetasin Xh. K., 41 vjeç, banues në lagjen “24 Maji”. Pas ngjarjes, autori i dyshuar është larguar nga vendi i krimit.

I plagosuri, shtetasi Xh. K., është transportuar menjëherë në Spitalin Rajonal të Vlorës, ku ndodhet nën kujdesin e mjekëve, në gjendje të rënduar shëndetësore.

Një grup hetimor është dërguar në vendngjarje dhe ka nisur hetimet për kapjen e autorit të dyshuar dhe për zbardhjen e plotë të rrethanave që çuan në këtë plagosje.