Një plagosje me armë zjarri ka ndodhur paraditen e sotme në Shijak, ku Enidor Dedja, 36 vjeç, është plagosur në këmbë. Sipas njoftimit të policisë, ai ndodhet në spital në kujdesin e mjekëve, jashtë rrezikut për jetën.

Autori i dyshuar i plagosjes është identifikuar si Arbër Hoxha, 30 vjeç, banues në Durrës. Policia po punon për kapjen e tij.

Konflikti mes dy të rinjve nisi për motive të dobëta dhe situata agravohet kur Hoxha plagos Dedjan me armë zjarri dhe më pas largohet nga vendngjarja.

Njoftimi i policisë tregon:

“Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin e autorit të dyshuar shtetasit Arbër Hoxha, 30 vjeç, banues në Durrës, dhe vijon krehja e zonës për kapjen e tij. Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes.”