Një ngjarje e rëndë është regjistruar këtë të martë në fshatin Risili të Vlorës, ku një 27-vjeçar është plagosur me thikë.

Sipas informacioneve paraprake, i riu ka marrë plagë në zonën e barkut dhe është transportuar menjëherë drejt Spitalit Rajonal të Vlorës, ku po merr ndihmën e nevojshme mjekësore. Mjekët bëjnë me dije se ai ndodhet nën kujdesin e tyre, por nuk ka ende një informacion zyrtar mbi gjendjen e tij shëndetësore.

Rrethanat e ngjarjes mbeten të paqarta, ndërsa policia ndodhet në vendngjarje dhe ka nisur hetimet për zbardhjen e plotë të saj. Deri tani, nuk janë dhënë detaje për autorin apo motivet e mundshme të kësaj plagosjeje.