Një sherr i dhunshëm ka ndodhur gjatë orëve të natës në Delvinë, ku një 38-vjeçar, Panajot Imeri, ka mbetur i plagosur rëndë. Ngjarja ka ndodhur pranë një lokali, ku Imeri është goditur me thikë në brinjë dhe krahë. Ai është transportuar menjëherë në spitalin e Sarandës, ku ka marrë ndihmën e parë dhe është jashtë rrezikut për jetën.
Policia e Delvinës ka identifikuar dhe arrestuar autorin e dyshuar të ngjarjes, Festim Abdi, 55 vjeç, i njohur si “Feçi”, një ish-biznesmen i lokaleve të natës në Sarandë dhe një person me precedentë të mëparshëm penalë. Dyshohet se konflikti ka shpërthyer për motiva banale, pasi dy personat ishin duke konsumuar alkool. Hetimet për këtë ngjarje vazhdojnë.
