Mbrëmjen e sotme një person është futur në një berberhane në Vlorë dhe ka plagosur me thikë dy punonjësit e saj, e më pas ka goditur edhe veten. Në lidhje me ngjarjen ka reaguar policia, e cila bën me dije se ngjarja ka ndodhur pas një konflikti të çastit, ndërsa autori është vënë në pranga.
Autori është Nexhit Arapi 40 vjeç, ndërsa dy të plagosurit e tjerë janë Kevin Nuredini 23 vjeç dhe Ervis Sejko 35 vjeç. Sakaq, mësohet se pas ngjarjes Arapi dyshohet se ka tentuar të largohet, por është kapur nga shërbimet e Policisë dhe është dërguar për ndihmë mjekësore pasi dyshohet se ka ngelur dhe i dëmtuar gjatë konfliktit.