Këngëtarja shqiptare me famë botërore, Dua Lipa, ka postuar në instagramin e saj fotot nga ceremonia e marrjes së nënshtetësisë shqiptare nga presidenti Bajram Begaj.
Krahas fotove ajo ka bashkëngjitur një shkrim ku ka falenderuar presidentin Begaj dhe kryetarin e bashkisë Tiranë Veliajn duke shprehur se ndihet shumë krenare që sot morri nënshtetësinë shqiptare.
“Faleminderit Presidenti Bajram Begaj dhe Kryebashkiaku Erion Veliaj. Mora nënshtetësinë shqiptare, po ndihem shumë krenare!”-shkruan Dua Lipa.
Dua Lipa do të performojë nesër në sheshin Skënderbej për 110-vjetorin e Pavarësisë së Shqipërisë. Ajo numëron shumë çmime e vlerësime për kontributin e saj në muzikë dhe art, përfshi këtu edhe tre çmime Grammy.
