Një aksident në punë ka ndodhur mesnatën e kaluar në Dropull. Korrespondentja e “Panorama.al” raporton se të plagosura kanë mbetur dy gra.

Mësohet se ngjarja ndodhi teksa gratë po pastronin fasadën e një prej godinave të kompanisë së prodhimit të kruasaneve në fshatin Vrisera.

Në mënyrë të pashpjegueshme ishte improviyuar një vinç me kovë sipër të cilës po qëndronin gratë. Por befas kova shkëputet dhe gratë rrezohen nga një lartësi rreth 15 metra.

Ato janë derguar me urgjencë ne Spitalin Rajonal “Omer Nishani”. Mësohet se një prej tyre ndodhet në gjendje të rëndë.

Nuk dihet ende nëse Policia e Gjirokastrës apo Prokuroria kanë nisur hetimet për ngjarjen, e cila dyshohet të jetë shkaktuar nga shkelja e rregullave të sigurimit teknik në punë.