Një bandë kriminale shqiptare është shkatërruar në Britaninë e Madhe teksa 4 persona u kapën brenda një shtëpie të përshtatur për kultivimin e kanabisit që kapte vlerën e prej 1.6 milion paundësh në një ndërtesë pak metra larg Gjykatës së Kurorës Carlisle.

Operacioni i rritjes në ‘shkallë industriale’ – i kompletuar me sisteme profesionale ndriçimi dhe ujitjeje – drejtohej nga një ish-klub nate dhe mundësohej nga energjia elektrike e vjedhur me vlerë 11,000 paund në ditë.

Katër shqiptarët që drejtonin ‘fermën’ u dërguan të gjithë para gjykatës së kurorës pasi u deklaruan fajtorë për prodhimin e kanabisit.

Në bankën e të akuzuarve ishin 29-vjeçari Nikolin Progni, 42-vjeçari Klaudio Lekndreaj, 28-vjeçari Klaurent Lena dhe i pandehuri më i ri, 22-vjeçari Andrea Vukaj, shkruajnë mediat e huaja.

“Policët hynë në ndërtesë dhe gjetën një numër dhomash në errësirë dhe disa dhoma të ngritura për prodhimin aktiv të kanabisit.

Të pandehurit ishin pajisur me dhoma banimi, që përfshinin shtretër, një tavolinë dhe garderobë; dhe një kuzhinë, ku një tigan me makarona po vlonte ndërsa policia hyri në ndërtesë”,– thuhet në raportin e policisë.

Prokurori, Z. Rogerson tha: “Zona e ndenjes ishte e pajisur mirë, me dollapë dhe një frigorifer dhe ushqim. Kishte gjithashtu një banjë të veçantë; zona ishte shumë e pastër; dhe kishte një dhomë lavanderi, me një lavatriçe në mes të ciklit.