Teksa pritet nisja e protestës së opozitës, policia ka marrë masa për mbarëvajtjen e saj.

Në krah të godinës së qeverisë janë vendosur automjetet e policisë ndërkohë që janë marrë masa edhe për sigurinë e godinës në pjesën e përparme të saj.

Nga ana tjetër në bulevard kanë nisur të mblidhen protestuesit e parë duke vendosur edhe pankartat me thirrje për protestë. “Ndalonin shpopullimin 30-vjeçar. Vendoseni me ligj minimumin jetik”, thuhet në njërën prej tyre.

Ndërkohë, kryeministri Edi Rama nuk ndodhet në zyrën e tij, por ka zgjedhur ta ndjekë protestën e opozitës, të udhëhequr nga Sali Berisha, nga qyteti i Vlorës.