Policia e Himarës ka ndërhyrë sot për të shpëtuar dy turistë nga Maqedonia, të cilët ishin bllokuar në Gjirin e Filikurit. Njëri prej turistëve kishte rrëshqitur për shkak të terrenit të vështirë dhe kishte pësuar dëmtime të lehta, por falë ndërhyrjes së shpejtë të shërbimeve të rendit dhe atyre të plazhit, ai mori ndihmën e parë mjekësore në vendngjarje dhe është jashtë rrezikut për jetën.
Sipas njoftimit zyrtar të policisë, pas marrjes së informacionit për turistët e bllokuar, shërbimet e Komisariatit të Policisë Himarë organizuan menjëherë një operacion shpëtimi. Pasi mbërritën në plazhin e Filikurit, ata ofruan ndihmën e nevojshme dhe sigurojnë nxjerrjen e sigurt të turistëve nga zona e rrezikshme.
Turistja e huaj, e cila pësoi dëmtim të lehtë, mori trajtimin e nevojshëm dhe është në gjendje të mirë shëndetësore.
Policia e Himarës theksoi se është gjithmonë në gatishmëri për t’u ofruar ndihmë qytetarëve dhe vizitorëve, dhe i inkurajoi të gjithë që në raste emergjente të kontaktojnë në numrin pa pagesë 112.
