Policia e Kosovës ka bërë thirrje për bashkëpunim nga qytetarët për kapjen e dy personave të dyshuar për veprën penale ‘lëndim i rëndë trupor’. Personat në fjalë janë Rigels Rajku, i njohur si Noizy, dhe Bahtijar Bajraktari.

Në një njoftim zyrtar, Policia e Kosovës ka kërkuar nga qytetarët që kushdo që ka informacion për vendndodhjen e këtyre personave të dyshuar, të lajmërojë menjëherë Policinë e Kosovës ose të kontaktohet stacioni më i afërt policor.

Informacionet mund të dërgohen gjithashtu në adresën e emailit: [email protected].

Incidenti që ka sjellë këtë kërkesë për ndihmë nga publiku ndodhi pak ditë më parë në Pejë, ku Noizy dhe grupi i tij dyshohet të kenë qenë të përfshirë në një përleshje me një grup tjetër, duke përfshirë TikTok-erin e njohur, Medi Iseni.