Janë ndaluar 3 persona nga policia ditën e sotme, si të dyshuar për dëmtimin e Kalasë së Lezhës.

Burime bëjnë me dije se në komisariat ndodhen 3 të mitur të cilët dyshohet të kenë hyrë nga pjesa e mureve anësore të kalasë dhe kanë thyer e dëmtuar libra e dokumente me vlerë në brendësi të saj.

Specialisti i Drejtorisë së Trashëgimisë Kulturore, Ded Margjoni tha dje për mediat se akte te tilla kanë ndodhur dhe herë të tjera, por kësaj here janë prekur dhe dokumente me rëndesi historike dhe muret antike të kalasë.

Shume objekte janë demtuar dhe herë të tjera si stola, rrjeti elektrik, apo dhe ura në hyrje të kalasë dhe ende nuk është marrë asnjë masë parandaluese për ruajtjen e këtyre objekteve që ndihmojnë më tepër në rritjen e turizmit për Lezhën.