Shkodër – Policia e Shkodrës ka asgjësuar në total 1,288 fidanë dhe 479 bimë kanabisi gjatë operacionit “Koordinata”, në njësitë administrative Shllak dhe Pult.
Sipas njoftimit zyrtar, shërbimet e Komisariatit të Policisë Vau i Dejës zbuluan dhe asgjësuan 1,011 fidanë dhe 479 bimë cannabis sativa në territorin e njësisë administrative Shllak. Ndërkohë, në njësinë administrative Pult, shërbimet e Komisariatit të Policisë Shkodër asgjësuan edhe 277 fidanë të kësaj droge.
Operacioni “Koordinata” vijon ndërkohë që policia punon intensivisht për identifikimin, kapjen dhe ndëshkimin e autorëve të këtyre rasteve të kultivimit të kanabisit.
