Policia e Vlorës ka njoftuar se hetimet për atentatin që tronditi Vlorën më 7 janar, duke çuar në vdekjen e Gëzim Sinomatit, vazhdojnë ende dhe kontrollet nuk janë ndërprerë në asnjë moment. Autoritetet bëjnë thirrje për ndihmën e qytetarëve në dhënien e informacionit që mund të ndihmojë në zbardhjen e ngjarjes, duke ofruar një shpërblim prej 30,000 euro për çdo informacion të vlefshëm që çon në identifikimin dhe kapjen e autorëve. Numri i telefonit për kontaktim dhe ofrimin e informacionit është 0694173022, dhe anonimati i dhënës së informacionit do të respektohet.
Njoftimi i plote:
Lidhur me ngjarjen e ndodhur më datë 07.01.2024, në lagjen “Hajro Çakërri”, Vlorë, ku mbeti i vrarë me armë zjarri shtetasi Gëzim Sinomati, 23 vjeç, grupi i posaçëm hetimor vijon veprimet e thelluara dhe kontrollet e pandërprera për zbardhjen dhe dokumentimin e saj.
Në këtë kuadër, DVP Vlorë fton qytetarët që të japin informacion për këtë ngjarje dhe ofron shpërblimin 30 000 euro, për çdo informacion të vlefshëm që do të çojë në identifikimin dhe kapjen e autorëve.
Drejtoria Vendore e Policisë Vlorë vë në dispozicion të qytetarëve, numrin e telefonit 0694173022, duke garantuar anonimatin e plotë të çdo telefonuesi.
