Policia greke ka shkatërruar mbi 1 ton lëndë narkotike në një operacion të zhvilluar përmes djegies së 221 pakove të sekuestruara. Aksioni u zhvillua në ambiente të siguruara për operacione të tilla dhe përfshiu lëndë të ndryshme narkotike, si kokainë, heroinë, kanabis, metamfetaminë dhe MDMA.

Konkretisht, janë shkatërruar:
•396 kg kokainë,
•3 kg heroinë,
•585 kg kanabis i papërpunuar,
•32 kg kanabis i përpunuar,
•37 kg metamfetaminë,
•2,330 fidane kanabis,
•474.2 gram MDMA.

Ky operacion është pjesë e përpjekjeve të vazhdueshme të autoriteteve greke për të luftuar trafikun e drogës dhe për të mbrojtur shëndetin publik, duke rritur gjithashtu ndjenjën e sigurisë për qytetarët.