Policia Kufitare e Malit të Zi ka sekuestruar 66 kilogramë lëndë narkotike në zonën e fshatit Sukobin, në Ulqin. Dy persona të paidentifikuar, të cilët dyshohet se po transportonin lëndën narkotike, kanë arritur të largohen drejt Shqipërisë pasi panë ekipet policore.

Gjatë kontrollit në zonë, policia gjeti tre çanta që përmbanin 119 pako marijuanë, me një peshë totale prej rreth 66 kilogramësh, sipas njoftimit nga Drejtoria e Policisë së Malit të Zi.

Në këtë kontekst, Policia shqiptare është angazhuar për të gjetur dy personat e arratisur, dhe për situatën është njoftuar Prokuroria e Lartë e Shtetit në Podgoricë. Njoftimi i Policisë së Malit të Zi thekson se janë duke u ndërmarrë veprime për të kapur ata që u larguan.