Tetë persona kanë rënë në pranga mes të cilëve gjashtë ishin shtetas shqiptarë pasi akuzohen për prostitucion në Greqi.

Rrjeti ndërkombëtar i trafikut që prostituonte vajza të reja nga Amerika Latine për në Greqi është shkatërruar tashme nga policia helene.

Sipas mediave greke fillimisht vajzat kanë ardhur në Greqi nga rrjeti kriminal që u mbulonte shpenzimet, ndërsa më pas janë mbajtur peng, dhe sa herë që ndonjëra nga vajzat donte të dilte duhet të ishte gjithmonë e shoqëruar.

Ka qenë njëra nga vajzat e cila ka kontaktuar policinë greke dhe ka denoncuar hotelin në të cilin ndodheshin. Por, duket se trafikanët kanë marrë informacione paraprake për denoncimin dhe janë larguar nga hoteli.

Hetimet kanë nisur që në muajin shtator, dhe vetëm gjatë ditës së sotme është bërë i mundur prangosja e autorëve.