Në kuadër të operacionit policor të koduar “All in”, dy persona janë vënë në pranga në Tiranë pasi dyshohet se kanë vjedhur shumën prej 10,000 euro. Vjedhja ka ndodhur në një subjekt në lagjen “Ali Demi”, ku të dy të arrestuarit ishin të punësuar.

Personat e prangosur, sipas policisë, kishin aktivitet të paligjshëm në lojrat e fatit, duke përdorur aparate celulare për këtë qëllim. Operacioni u finalizua nga Shërbimet e Komisariatit të Policisë Nr. 1. Hetimet vazhdojnë për të nxjerrë në dritë detajet e plotë të ngjarjes dhe për të siguruar prova të mjaftueshme në gjykatë.