Policia është duke kërkuar ndihmën e qytetarëve për gjetjen e Hyrije Cikopanos, shtetase që u zhduk para 4 muajve dhe ende nuk ka asnjë gjurmë për të. Strukturat policore kanë vënë në dispozicion numrin e telefonit ku mund të telefononi nëse keni informacion rreth vendndodhjes së saj, duke theksuar se ajo vuan nga probleme të shëndetit mendor.

Hyrije Cikopano u largua nga banesa e saj më datë 15.11.2023, dhe, sipas policisë, ka probleme të shëndetit mendor. Pavarësisht përpjekjeve të strukturave policore për lokalizimin e saj, ende nuk ka rezultuar gjetja e shtetases.

Autoritetet kanë dërguar shkresa komisariateve të DVP dhe spitaleve, duke përfshirë edhe një fotografi të shtetases, në përpjekje për të gjetur informacion rreth vendndodhjes së saj. Çdo informacion i mundshëm nga publiku do të jetë i vlefshëm për autoritetet në përpjekjen e tyre për të gjetur Hyrije Cikopanon.