Presidenti i Republikës, Bajram Begaj, ka uruar Donald Trump për fitoren në zgjedhjet presidenciale të Shteteve të Bashkuara të Amerikës. Përmes një postimi në platformën X, Presidenti Begaj shprehu vlerësimin për miqësinë e gjatë dhe partneritetin strategjik mes Shqipërisë dhe SHBA-së, duke theksuar se pret që ky bashkëpunim të forcohet edhe më tej.
“Urime për fitoren në zgjedhje, Donald Trump! Shqipëria vlerëson miqësinë tonë të gjatë dhe partneritetin strategjik, dhe unë pres që ta forcojmë më tej këtë bashkëpunim të ngushtë,” shkruan Presidenti Begaj.
