Zyra e shtypit të Presidencës ka njoftuar mbajtjen e një konference për shtyp të presidentit Ilir Meta në lidhje me vendimin e Gjykatës kushtetuese për zgjedhjet e 30 Qershorit.

Zëdhënësi i presidentit Meta, Tedi Blushi ka njoftuar sot një dalje për mediat të institucionit, edhe pse nuk përcakohet nëse do të jetë kreu i shtetit apo këshilltarë në këtë deklaratë për mediat.

Në njoftimin e Presidencës bëhet me dije se qëllimi i konferencës do të jetë për të bërë transparencën në lidhje me vendimin e Gjykatës Kushtetuese për zgjedhjet lokale, ku presidenti Meta do shfaq opinionin e tij në lidhje me këtë çështje.

“Në respekt të transparencës dhe për rëndësinë e veçantë, që ka për të gjithë qytetarët, sot në ora 17:00, në Institucionin e Presidentit të Republikës, jeni të ftuar në konferencën për mediat, ku do të bëhet publik për opinionin vendas dhe ndërkombëtar, qëndrimi zyrtar i Presidentit të Republikës Sh.T.Z Ilir Meta lidhur me vendimmarrjen e Gjykatës Kushtetuese për çështjen e zgjedhjeve për pushtetin vendor 2019.”- shkruan, zëdhënësi i presidentit në postim.