Presidenti turk Recep Tayyip Erdogan ka shprehur mbështetjen e Turqisë për Pavarësinë, Sigurinë dhe Sovranitetin Territorial të Ukrainës në një videomesazh për Samitin për Ukrainën në Tiranë.

Ai konfirmoi gatishmërinë e Turqisë për të rikthyer palët në tryezën e bisedimeve dhe theksoi se Turqia do të marrë pjesë dhe do të kontribuojë në ndërtimin e shpejtë të Ukrainës. Erdogan përmendi se Turqia ka bërë përpjekje të vazhdueshme për të vendosur paqen, por vazhdoi të mbështesë vizionin e tij për një zgjidhje diplomatike dhe dialog.

“Turqia mbështet Pavarësinë e Ukrainës, sigurinë dhe sovranitetin territorial. Ne do të marrim pjesë dhe kontribuojmë për ndërtimin e shpejtë të Ukrainës. I kemi bërë të gjitha përpjekjet tona, ndonëse asnjëherë nuk është mjaftueshëm për të vendosur paqen. Unë vijoj që të ruaj vizionin tim për të pasur një paqe të gjatë për t’i zgjidhur gjërat me diplomaci dhe t’i japim një shans dialogut.

Ne duhet të përdorim të gjitha kanalet diplomatike për të arritur qëllimet tona. Në parim, ne mbështesim planin me 10 pika të paqes të Presidentit Zelensky. Ne gjithashtu, kemi qenë mbështetës të planit të tij për të garantuar sigurinë ushqimore. Që Plani i Paqes të ketë sukses, ai duhet të përfshijë të gjitha palët. Ne mbetemi në kontakt me palët në Detin e Zi dhe do të punojmë për vendosjen e sigurisë”, tha Erdogan.

Ai konfirmoi mbështetjen për planin e paqes me 10 pika të Presidentit Zelensky dhe shtoi se Turqia do të përdorë të gjitha kanalet diplomatike për të arritur qëllimet e tyre. Erdogan gjithashtu tha se ata janë në kontakt me palët në Detin e Zi dhe do të punojnë për vendosjen e sigurisë.