Në një linjë të ndryshme nga ministri i Brendshëm i vendit të tij, Suleyman Soylu, Presidenti turk Rexhep Tajip Erdogan ka falenderuar një numër vendesh, përfshirë Greqinë dhe SHBA-në, për mbështetjen e tyre pas sulmit në Stamboll.

Në një postim në Twitter pas takimit me presidentin amerikan Joe Biden, Erdogan shprehu falënderimet e tij për të gjitha shtetet dhe organizatat ndërkombëtare që i shprehën mbështetjen e tyre Turqisë për sulmin terrorist, mesditën e së dielës.

Presidenti amerikan Joe Biden  dhe presidenti turk Rexhep Tajip Erdogan  diskutuan marrëdhëniet dypalëshe, përfshirë tregtinë dhe sigurinë, në samitin e G20 , njoftoi presidenca turke.

Presidenti amerikan shprehu ngushëllimet e tij për viktimat dhe i tha Erdoganit se administrata e tij do të vazhdojë të mbështesë Turqinë në kërkesën e saj për avionë luftarakë F-16 , njoftoi Reuters, duke cituar deklaratën.

Presidenti amerikan tha gjithashtu se Turqia ishte një faktor i rëndësishëm në përpjekjen e Suedisë për t’u anëtarësuar në NATO dhe falënderoi Erdoganin për rolin e tij në rifillimin e eksporteve të grurit sipas marrëveshjes ndërkombëtare midis Ukrainës dhe Rusisë, thuhet në njoftimin e presidencës turke.

Takimi mes Erdoganit dhe Bidenit është mbajtur me dyer të mbyllura për shtypin.

Ndërkohë pas sulmit terrorist ministri i Brendshëm turk Soylu ka implikuar edhe SHBA-në në deklaratën e tij, duke thënë se “nuk i pranojmë ngushëllimet e Ambasadës Amerikane”

Departamenti amerikan i shtetit i quajti “të papërgjegjshme” ideklaratat e ministrit turk kundër SHBA.

Turqia pretendon se Njësitë e Mbrojtjes së Popullit Kurd (YPG), e cila vepron në veri të Sirisë, qëndron pas sulmit.

Gjithashtu u shprehën se terroristja e dyshuar  do të kalohej ilegalisht në Greqi, ku sipas autoriteteve turke, do të vritej nga porositësit e sulmit me bombë.