Urgjenca shëndetësore dhe spitalet italiane po ballafaqohen me një rritje të ndjeshme të rasteve të gripit, duke sjellë presion shtesë në sistemin shëndetësor. Edhe pse ka pasur një rënie të numrit të rasteve me Covid-19, rastet e gripit me komplikime dhe pneumoni po shfaqen në nivele shqetësuese.

Në javën e fundit, rastet e Covid-19 kanë shënuar një rënie prej 16%, por ekspertët shprehen se kjo mund të jetë rezultat i numrit më të ulët të analizave gjatë festave, dhe pritet të shihet një rritje e tyre në ditët në vijim.

Spitalet italiane raportojnë për një shtim të pacientëve me simptoma të rënda të gripit, dhe shumica e tyre janë qytetarë të moshuar dhe të cënueshëm. Prisja për të parë një mjek është shtrirë në disa orë, duke treguar sfidat që po përballet sistemi shëndetësor.

Ekspertët e shëndetit në Itali e cilësojnë këtë sezon gripal si më të rëndët në 20 vjet, dhe theksojnë nevojën për vaksinim. Shumë prej tyre vërejnë se shumë nuk e morën seriozisht paralajmërimin për rrezikun e gripit dhe nuk pranuan vaksinën. Numri i personave të infektuar me grip në Itali ka tejkaluar një milion, dhe pritet që kulmi i rasteve të arrijë në javët në vijim.