Ambasadori i Britanisë së Madhe në vendin tonë, Alastair King-Smith zhvilloi një vizitë në Kukës për tu njohur me ecurinë e projektit “Prespektiva të Reja” që prej një viti po zbatohet në qarkun e Kukësit nga Ambasada Britanike.

Ambasdori Kung-Smith u takua me Prefektin e Qarkut Granit Gjana, Kryetarin e Zgjedhur të Bashkisë Kukës Albert Halilaj dhe Kryetarin e Këshillit të Qarkut Astrit Dobrushi.

Në një deklaratë të përbashkët pas takimit u bë e ditur për projekte të tjera nga qeveria britanike në fushën e turizmit dhe arsimit profesional.

Gjatë kësaj vizite Ambasadori Britanik vizitoi edhe qytetin e nëndheshëm të ndërtuar dekada më parë nga regjimi monist, për të strehuar aty më shumë se 10 mijë banorë në rast të një sulmi I cili pritet që të kthehet në muze me ndihmën e qeverisë britanike dhe asistencën e ushtrisë britanike në kuadër të projektit “Prespektiva të Reja”.