Edhe pse nuk e vë aspak në dyshim sinqeritetin e kreut të PD Sali Berisha se gara për primaret duhet të jetë e drejtë, e hapur dhe e pastër, njëri prej 5 kandidatëve të primareve në Fier, avokati Ermal Hamataj deklaron se ka konstatuar se ky proces nuk është i tillë, duke e cilësuar atë, të paktën në Fier, as të drejtë, as të hapur dhe as të pastër. Hamataj deklaron se këto zgjedhje kanë kandidat të favorizuar.
“Nesër
mbahen zgjedhjet prej primareve në Fier. Nuk dyshoj te sinqeriteti i doktor Berishës por a janë drejtuesit vendor të hapur para simpatizantëve. Është favorizuar një kandidat i caktuar, madje herët e fundit kanë dalë hapur por këto favorizime ndonjeëherë kthehen në bumerang. Favorizimi nuk sjell asnjëherë paracaktim, ne e dinim që tentativa apo ndërhyrje të tilla mund të kishte”– ka thënë ai ndër të tjera.
Hamataj ka shtuar se nuk tërhiqet nga gara, e do ta ndjek këtë proces, madje nuk do të nguroj ta denoncoj edhe në strukturat e PD në qendër.
Në garë për primaret e Pd në Fier janë 5 kandidatë, ndërkohe që votimet zhvillon këtë të dielë.
