Kate Middleton, Princesha e Uellsit, është fotografuar sot pranë kështjellës Windsor, në periferi të Londrës, duke bërë paraqitjen e saj të parë publike që nga operacioni abdominal që kreu në janar.

Ajo ishte pasagjere në automjetin që nëna e saj, Carol, po ngiste pranë kështjellës Windsor.

Operacioni i Kate u bë i njohur më 17 janar, kur Pallati Kensington njoftoi se ajo ishte në spital për një operacion të planifikuar të barkut.

Natyra e operacionit nuk u zbulua, por u bë e ditur se ishte i suksesshëm. Pas operacionit, u tha se ajo do të qëndronte larg detyrave publike deri në Pashkë.

Kensington Palace ka theksuar se do të jepte përditësime vetëm në rastet kur diçka ishte e rëndësishme për shëndetin e Kate. Megjithatë, u bë e qartë se ajo po shërohej dhe se qëndrimi i saj larg detyrave publike ishte i përkohshëm.