Mijëra përdorues në mbarë botën, përfshirë Shqipërinë, po përballen me probleme të mëdha në platformat Meta. Facebook, Instagram dhe WhatsApp raportojnë ndërprerje të shërbimeve, duke ndikuar në ngarkimin e faqeve, shikimin e postimeve dhe funksionalitetin e mesazheve.
•Instagram: Më shumë se 42,000 përdorues po raportojnë pamundësinë për të parë postime. Problemet janë më të theksuara në SHBA, kryesisht në Çikago dhe Nju Jork.
•Facebook: Rreth 82,000 përdorues kanë hasur vështirësi në ngarkimin e faqeve, duke raportuar vonesa dhe bllokime.
•WhatsApp: Rreth 11,000 përdorues janë përballur me vështirësi në menaxhimin dhe dërgimin e mesazheve, kryesisht në zona si Nju Jorku dhe Los Anxhelosi.
Aktualisht, nuk ka ende një deklaratë zyrtare nga kompania Meta për arsyet e këtyre ndërprerjeve. Këto probleme kanë nxitur zemërim dhe ankesa nga përdoruesit në mbarë globin, të cilët varen nga këto aplikacione për komunikim dhe punë të përditshme.
