Rruga Korçë–Ersekë ka filluar të shfaqë sërish problematika pas reshjeve të shiut ditët e fundit. Janë evidentuar plasaritje të mëdha në disa segmente të aksit, pikërisht aty ku një vit më parë pati rrëshqitje toke.

Aktualisht rruga mbetet e qarkullueshme, por nuk dihet nëse plasaritjet do të përparojnë duke rrezikuar strukturën e saj.

Pas ndërtimit të rrugës, çështja është nën hetim nga SPAK, ndërsa autoritetet monitorojnë situatën për të shmangur rreziqe për përdoruesit.