Eksperti i ekonomisë, Petraq Milo ka shpjeguar në konferencën për shtyp të Partisë së Lirisë të propozimeve për rritjen e pagave dhe indeksimin e tyre.
Sipas tij, propozimi është që indeksimi i pagave të bëhet çdo 1 korrik në të njëjtën masë me inflacionin e vitit paraardhës.
“Ne propozojmë që 1/3 e rritjes reale të ekonomisë të shkojë për rritjen e pagës reale. Kjo do mundësojë që të respektohet parimi i së drejtës të ço punonjësi që paguan taksa. Sa i përket pjesës së indeksimit, duhet të konsiderohet një detyrim.
Propozimi është që indeksimi i pagës të bëhet çdo 1 korrik në bazë të inflacionit të vitit paraardhës. Kjo nuk pengon qeverinë të bëjë lëvizje të tjera për rritjen e pagës minimale”, tha Petraq Milo.
