Pasi pezulluan punën paraditen e sotme, kontrollorët e AlbControl në Rinas kanë zhvilluar sot një takim ministren e Energjisë dhe Infrastrukturës, Belinda Ballukun.

65 kontrollorët kanë disa kërkesa që pritet t’i negociojnë ndërkohë që prej mungesës sot në punë për rreth 30 minuta ndikuan drejtpërdrejt në vonesën e dy fluturimeve Athinë-Tiranë dhe Stamboll-Tiranë.

Mirëpo jo gjithçka ka shkuar ashtu si pritej. Mbledhja është pezulluar pasi nuk ka pasur marrëveshje mes Ballukut dhe kontrollorëve.

Ministrja e Infrastrukturës, Belinda Balluku nuk ka arritur dot të bindë 65 kontrollorët e aeroportit të Rinasit.

‘’E ka personale. Pezullimi i punës do të vijojë.Kam plotësuar skemat e kompetencës, formularin, kur unë nuk e plotësoj dhe jam e stresuar, gjobitem me 2 milion lekë. Dorëzova deklaratën, shprehet një prej kontrollorëve.

Kontollorët kanë firmosur kontratën e paaftësisë në punë edhe për shkak të stresit ndaj pandemisë, por kjo gjë nuk është marrë parasysh nga drejtuesit.