Një protestues nga Tropoja, pranë rrethrrotullimit të Pallatit me Shigjeta, ka recituar një poezi kundër qeverisë të cilën e quajti “regjimi i Edi Ramës”. Ai shprehu shqetësimin e tij për skamjen dhe mjerimin që po kalon populli shqiptar, duke shtuar se qeveria ia ka bërë jetën të zezë.

“Unë jam nga Tropoja. Këtu vij disa herë rresht, sepse shoh skamjen dhe mjerimin e popullit shqiptar. Ua ka fut frikën në palcë regjimi i Edi Ramës dhe nuk mund të kërkojnë të drejtat e veta,” tha ai. Protestuesi theksoi se ky tubim ishte i ligjshëm dhe shprehu pakënaqësinë ndaj ndërhyrjes së policisë që, sipas tij, shtynte protestuesit.

Ai e konsideroi kërcënimin e policisë për ndjekjen penale të atyre që bllokojnë rrugët si “propagandë” dhe shtoi se do të vazhdojnë protestat deri në realizimin e kërkesës për një qeveri teknike. “Qëndresa jonë, kot nuk ka thënë që kemi 77 lloje të mosbindjes civile. Derisa të bëhet qeveria teknike, ne do të protestojmë,” theksoi ai.